احذر تقليد سلاسل الصيدليات
اهلا بيكم
سؤال بسيط
بعد ما اخدنا شوط كبير في الكاتيجوري مانجمنت لو واحد صديق ليك حيفتح صيدلية خاصة بيه و كان عايز يطبق مبادئ الكاتيجوري مانجمنت.
حنعمل ايه
حنشتغل علي approach ل ٨ خطوات لسلسلة الرحلة اللي احنا شغالين فيها.
وحنطبق اول محطة و هي category definition اللي اتكلمنا عليها في البوست اللي فات.
وجينا علي تاني محطة و هي category role.
وهنا سؤال ازاي هل cosmoceutical حيكون رئيسي او destination ولا ايه.
حنتوقف دقيقة لان الموضوع هنا اكبر من الكاتيجوري مانجمنت فقط او وضع اصناف تقدر انها تشبع احتياجات العميل و تحققلي افضل اداء من مبيعات و ربحية و حركة دوران للاصناف.
و ده بياخدني للدردشة مع حضراتكم في نقطة مهمة و اللي حتكون بالمناسبة محوى اخر سيتم التحدث عنه لاحقا.
باعتبار ان قسم الكاتيجوري مانجمنت مربوط بقسم المشتريات ولكن بوجهة نظري المتواضعة ان الكاتيجوري لازم يكون علي ارتباط وثيق مع قسم الماركتنج او التسويق .
طيب ليه!!!!
خليك معايا لان الكلام ده مش حتلاقيه في الكتب.
و لكن محتاجك تعرف التفاصيل دي و اللي حنقولها باختصار عشان تكونوا معايا في الموضوع.
الادوار المختلفة للكاتيجوري في الصيدليات.
category roles
1-Destination role
و هي الحاجة اللي بتميزك عن باقي المنافسين في القنوات المختلفة مثال RX بالنسبة للصيدليات .
2-Routine role
وهي المنتجات اللي موجوده في قطاعات تانية زي السوبر ماركت شامبو مثلا و لكن لما العميل شافها في الصيدلية اتحفز و اشتراها.
3-Convenience role
وهي المنتجات اللي العميل يياخد قرار الشراء لحظيا و هو ماشي في الفرع او وهو بيدفع علي الكاونتر زي اللبان مثلا.
4-Seasonal role
وهي المنتجات اللي ليها مواسم بتشتغل فيها كويس جدا زي منتجات الحج في صيدليات الحرم مثلا و بعد الموسم بترجع لدورها الطبيعي.
طيب السؤال هنا وهو سؤال صعب بالمناسبة
هل اخلي كاتيجوري cosmetics destination او routine.
وهنا شوية اسئلة و محتاجه تدخل في البحث التسويقي.
عشان يمشي بالطريقة المظبوطة.
هل انت صيدلية شارع ؟
هل انت صيدلية حي و لو كده هل فيه دكاتره حواليك؟
.
ولو موجودين ايه تخصصاتهم و ومظبطهم و لا لا ؟
هل انت صيدلية مول او صيدلية موسمية.؟
هل انت بتخاطب جنسية واحدة مصريين بس ولا فيه سوريين و يمنيين و سودانيين مثلا.؟
هل العملاء حواليك من ذوي الدخل المرتفع ولا متوسط ولا تحت خالص.؟
هل العملاء حواليك معظمهم شباب و لا كبار و لا متوسط الاعمار ايه.؟
هل العملاء عندك معظمهم رجالة ولا نساء.؟
طيب الناس اللي بتجيلك ليهم لايف ستايل معين و لا مش محدد؟
طيب احنا بنسال الاسئلة دي ليه.؟
لان مع بساطة الاسئلة مينفعش اخد موديل سلاسل الصيدليات الكبيرة و طبقه عندي سواء كنت مجموعة صغيرة او صيدلية فردية او حتي متوسطة.
لازم هنا التسويق يدخل و تشوف حاجة اسمها target audience عامل ازاي و بناء عليه تبتدي تشوف فرعك المفروض يكون شكله ازاي و حيشتغل علي مين لان ببساطه لو انت فرع حواليه دكاتره باطنة و سكر عددهم كبير يبقي RX هي deatination.
لكن لو حواليك دكاتره برده بس derma و شغل حلو.
هنا destination حيكون cosmoceutical.
سلاسل الصيدليات مع العدد الكبير اللي موجود في السوق اصبح شريحة الاستهداف و اسعة جدا و بالتالي الكاتيجوري مانجمنت مختلف بالنسبالهم.
الموضوع فهم مش اني عارف خطوات بنفذها بحذافيرها وخلاص و حنتكلم عن الامور دي بالتفاصيل باذن الله.
لو عجبك البوست اعمل لايك و follow.
و سمعنا صوتك يمكن يكون عندك افكار نناقشها مع بعض.
#categorymanagement
#CPCA
#marketiziracademy
#marnketizir_academy
#ماركتيزر_اكاديمي
#mohamedajdal
