اهلا بيكم
الرحلة البوست رقم 2
قبل مدخل في التفاصيل ياريت تعمل save لبوستات الرحلة لانها بتلخص الكاتيجوري مانجمنت كعلم بالطريقة المنهجية وبالتالي لو ممكن تدخل مقابلة او حتبتدي في دراسة الكاتيجوري مانجمنت باذن الله تفيدك .
حنتكلم النهارده عن اول محطة في رحلتنا في الكاتيجوري مانجمنت و طبعا اتكلمنا في البوست اللي فات عن category plan و عشان اقدر اعمل بلان للكاتيجوري اللي مسئول عنها لازم ، اعمل 8 خطوات و اللي حنسردهم باذن الله في البوستات اللي جايه بعنوان الرحلة.
يعني ايه category definition
هي ببساطة تعريفك للكاتيجوري و ايه المنتجات اللي حتكون موجوده فيها و ايه المنتجات اللي حتكون تابعة لكاتيجوري اخري.
مش فاهم او محتاج نفسر اكتر من كده؟
خليك معايا من فضلك للاخر.
مثال ezipan ايزيبان او اللبلاب ivy
حعتبره هنا دواء و لا herbal .
يعني ادخله لكاتيجوري rx و لا herbal.
سؤال وجيه و هنا لازم يكون فيه تعريف واضح يحدد المعايير اللي حيدخل فيها الاصناف تحت كل كاتيجوري ،،،،طيب ازاي اعملها.
مثلا حنعرف كاتيجوري RX او الدواء انها كل حاجة بتستخدم في treatment او العلاج و بالتالي Ezipan حعتبره RX مش هيربال لانه طبعا عشبي و لكن بيعالج بطريقة مباشره الكحة و حيكون cough syrup زيه زي كافوسيد.
ولكن لما نتكلم عن royal jelly اكيد هنا بتعتبر supplement مش treatment وبتدعم و لكن مش بتعالج.
اكيد هنا category definition تعريفها مهم جدا لانه بياثر علي الاداء العام للكاتيجوري و هنا لازم لو انا شغال و عندي لخبطة في التعريفات او التعريف مش clear لازم تعمل اعادة صياغة للكاتيجوري بتاعتك.
طيب لو انا مش عارف اعمل category definition في حاجة ممكن تساعدني .
اكيد،، عندك 3 طرق تقدر تشتغل عليها للكاتيجوري definition وده بيعتمد بشكل كبير علي حجم business بتاعك.
1-بالخبرة من المنافسين الكبار اللي في السوق.
2-من الموردين وبالذات الكبار و هما عارفين المنتجات بتاعتهم بتكون تحت اي كاتيجوري و طبعا ممكن يكون عندهم category manager لو عرفت تتواصل معاه حيسهلك الدنيا.
3-اخيرا و ده للبزنس الكبير عن طريق معلومات السوق او 3rd party من الشركات الكبيرة زي نيلسن و IRI و طبعا دي مكلفة شوية.
وهنا نكون فهمنا اول محطة في رحلة الكاتيجوري و طبعا لو عجبك البوست اعمل like &follow.
ان شاء الله في البوستات اللي جاية حنكمل الخطوات بالترتيب المنهجي عشان في نهاية السلسلة نكون قادرين نفهم ازاي نعمل كاتيجوري بلان.
و شكرا ليكم.
متنسوناش بدعوة لو تكرمتم.
#categorymanagement
#CPCA
#marketiziracademy
#marnketizir_academy
#ماركتيزر_اكاديمي
#mohamedajdal
