اهلا بيكم
لو انت بتحب البوست الدسم وتشغيل الدماغ
البوست ده ليك
سؤال بسيط
هل تغير نمط الاستهلاك للعملاء في السعودية
و هل قطاع الصيدليات متماشي مع التغيرات دي.
سؤال صعب…
البوست بيجمع بين الكاتيجوري مانجمنت و التسويق لفهم اكبر للموضوع .
اولا حقيقة مهمة جدا ان العميل السعودي حصل تغير كبير في نمط حياته او زي ما بنسميها life style
.
بقدر احدد ده بناء علي
Need الاحتياجات
Motivation. التحفيزات
Fear and doubt. المخاوف
Interest. الاهتمامات
Activity. الانشطة
و المعايير دي حتاخدني لتقسيم استرايجي في التسويق يسمي التقسيم النفسي للعملاء.
Psychographic segmentation
وده ممكن يغير من نظرتنا و تقسيمنا للكاتيجوري اللي عندي بطريقة مختلفة.
طيب و بعدين.
خليك معايا للاخر بعد اذنك.
مثال هل الضجة اللي معمولة علي عقار الاوزمبيك ممكن تديني دلالة علي الكلام ده.
طبعا..
يعني ايه.
يعني ببساطة في ظل التغير الثقافي اللي حاصل في المملكة بدا الاهتمام بالشكل الخارجي مش رغبة كما كان سابقا بل احتياج و احتياج ملح.
وهنا يظهرلي ان رغم السعر انه مش بسيط بالنسبة للاوزمبيك ولكن الاحتياج لحاجة تقدر تساعد العملاء علي تخيف الوزن و الظهور بشكل مثالي اصبح امر استراتيجي للعملاء.
طيب و بعدين ..
هنا محتاجين ان احنا نواكب التغير ده علي كل المستويات.
ونفهم الاحتياجات الجديدة للعملاء .
طيب ده نفهمة منين من الابحاث التسويقية و حتكلم عنها ببساطة.
عندي نوعين النوع الاول
Secondary research
الابحاث الثانوية و هي ابحاث عن معلومات موجودة بالفعل و لكن محتاج اني اطلعها من مصادرها.
زي معلومات الجهاز المركزي للاحصاء.
مثال يعني لما نعرف مثلا ان في معدل نسبة المواليد او معدل الخصوبة للمراة و صل في السعودية الي 2.3 ده بعد ماكان 5 ده يخليني اقدر اتوقع ان كاتيجوري زي baby care.
اكيد مش حتكون في احسن حالاتها و حتقل تدريجيا تبعا للارقام اللي فوق.
زي معلومات الموجوده علي نظام CRM للصيدليات.
معلومات المنافسين اللي ممكن اجيبها من مناديب البيع.
المعلومات المتوفرة من شركات زي نيلسن.
طيب النوع الثاني
Primary resarch
و هو ببساطة اني بحاول اطلع المعلومات اللي تهمني من العميل زي
Survey اللي بيتعمل عشان اقيس مده رضاء العميل عن الخدمة و لكن هنا انا بتكلم بشكل اوسع.
Interview مقابلات شخصية و حاول اطرح اسئلة علي العملاء و اسمع منهم لمحاولة سد الاحتياجات دي.
وفي طرق كثيرة ولكن انا بحاول ابسط الموضوع عشان توصيل الفكرة.
في ظل التغيرات الكبيرة دي صدقني مفهوم الميزة التنافسية حيغير اللعبة من اني بقدم منتجات بجودة عالية و عروض قيمة الي معرفة الاحتياجات و الدوافع للعملاء.
ومن خلال ده ممكن خريطة الكاتيجوري مانجمنت تتغير في السوق السعودي تبعا لاحتياجاته.
ايه الفائدة ان اوفر اصناف ربحيتها عالية و مفيش احتياج ليها.
حاجة علي جنب لازم ناخدها و هو مدي تاثير السوشيال ميديا و الانترنت علي صناعة القرار و اني العميل بيجي الصيدلية مجهز طلباته و بالتركيزات كمان.
وهنا لازم القطاع يعزز تواجده ومش قصدي مع المشاهير و لكن المقصود يحصل تعاون طويل الامد بين الشركات و المستشفيات و الصيدليات عشان يكون فيه تاثير علي العملاء بجانب احترافي.
يعني التعاون يتم بين شركرة زي فايزر و مستشفي اي كان اسمها مع تخصصات محددة ومجموعة صيدليات لدعم المنتج ده مش اعلانيا و لكن بالمحتوي التثقيقي اللي يقدر يأثر علي قرار العميل و تتقفل الحلقة بالصيدليات اللي حيشتري منها العميل.
بو عجبك البوست اعمل لايك و follow
#categorymanagement
#CPCA
#marketiziracademy
#marnketizir_academy
#ماركتيزر_اكاديمي
#mohamedajdal
