اهلا بيكم..
البوست النهاردة دسم و محتاج تشغيل دماغ …
اولا عشان تكون متميز و فاهم في الكاتيجوري مانجمنت او في اي علم آخر لازم تسال نفسك اسئلة كتيرة.
خليك معايا من فضلك حتي نهاية البوست.
سؤال بسيط.
بتحب تشتري من المكان ده ليه ؟
عشان روحه حلوة…..
يعني ايه روحه حلوه…
مش عارف افهمك ازاي.
انا هنا النهارده عشان ارد علي السؤال ده.
من اول ما بدات في علم الكاتيجوري مانجمنت وانا في حاجه بتخليني استنتج الموضوع ده.
ايه هو الموضوع !!!
الحفرة…. و هي فعلا حفرة واقع فيها كتير من retailer سواء في قطاع الصيدليات او برا القطاع ده من سوبر ماركت و ملابس و خلافه.
طيب سؤال
هو يعني ايه category management؟
هو علم ظهر لادارة العلاقة بين متجر التجزئة (الصيدلية) و الموردين supplier بحيث يقسموا المنتجات الي مجموعات categories ليها نفس الخصائص عشان اقدر احقق اعلي استفادة
و التقسيم بيكون بناء علي احتياجات العميل consumer demand.
تمام طيب و بعدين.
الحقيقة ان العلم ظهر عشان يسد الفجوة بين قسم المشتريات و التسويق.
ولكن مع كامل الاحترام بما ان category management محسوب علي قسم المشتريات بنقع في حفرة كبيرة مبتنتهيش.
انا مش فاهم حاجة..
معلش خليك معايا و كمل للاخر.
ببساطة قسم الماركتنج مسئول انه يجيب العميل للفروع باي طريقة تسويقية كانت و حنتكلم في ده بعدين.
ولكن شغل الكاتيجوري انه مسئول عن الفئات المختلفة و زاي يختارها و يعرضها بحيث تحقق اعلي ربحية للمكان و تقدم عروض قوية للمستهلكين ود ه اللي حاصل علي الارض و شغال زي الفل.
امال فين الحفرة….تعالا اقولك
المشكلة ان قسم الكاتيجوري بيفضل يغوص في الارقام و مقابلات الموردين في دوامة profit و sales و inventory turn المبيعات و الربحية و معدل دوران المنتجات.
و بنغفل شئ مهم جدا.
هو العميل بيجلس قد ايه في الصيدلية .
الحفرة ان اركز في الارقام و انسي اني الاهم اني اخلي العميل ازاي يجلس في الصيدلية اكبر و قت ممكن و هو مبسوط.
طيب ليه السؤال رغم بساطته للاسف مبيتعملش و هنا تيجي الحفرة الكبيرة.
لان ببساطة ده شغل تسويق يا فندم او بالاخص بحوث تسويقية.
وبما اننا كمجتمعات عربية نكره البحث و البحوث و بنعتمد بشكل كبير علي البحوث التسويقية اللي مقسمة العملاء ديمو غرافيا و جغرافيا من عمر و جنس و متوسط دخل و مناطق جغرافية مختلفة و خلافه.
نجهل تقسيم مهم جدا و هو التقسيم النفسي و السلوكي للعملاء او احتياجاتهم و دوافعهم.
وهنا الحفرة اللي لازم نطلع منها بالبحوث التسويقية و الملاحظة لتصرفات العملاء و مده تواجد العميل في الصيدلية و ليه المده قليلة و لو جيدة ازاي ازودها.
الكلام مش بسيط و لو اتعمل حيحقق نقلة نوعية في سوق الريتيل.
اللي اتعامل مع مناطق مختلفة في المملكة حيعرف اني مينفعش اتعامل مع المناطق المختلفة من الرياض او جدة او الشرقية او المنطقة الجنوبية بنفس المنظور و نفس الطريقة.
و طبعا مش حقولك اني مكة و المدينة قصة و حكاية تانية خالص.
لو انت retailer تاجر تجزئة يعني لازم تطلع من الحفرة و تخلي في قلب المتجر روح يافندم.
والروح هي التعامل مع نفسية و سلوك المستهلك .
بحيث انك تقدمله الروح الحلوة اللي لو هو زعلان قبل ما يدخل الفرع يطلع مبسوط.
لو عجبك البوست اعمل لايك و follow.
#categorymanagement
#CPCA
#marketiziracademy
#marnketizir_academy
#ماركتيزر_اكاديمي
#mohamedajdal
